नेपाल सङ्कट मा भयको बेला पाकिस्तानले भन्यो नेपाललाई सघाउन तत्पर छौँ
पाकिस्तानले नेपालमा आएको बाढीपहिरोका कारण उत्पन्न संकटमा सहयोग गर्न तत्पर रहेको जनाएको छ। पाकिस्तानका प्रधानमन्त्री शेहबाज सरिफले बाढीले पुर्याएको जनधनको क्षतिप्रति गहिरो दुःख व्यक्त गर्दै, प्रधानमन्त्री केपी शर्मा ओली र सम्पूर्ण नेपाली जनताप्रति पाकिस्तान सरकार र जनताको तर्फबाट सहानुभूति प्रकट गरेका छन्।
प्रधानमन्त्री सरिफले नेपालका लागि सहयोग प्रस्ताव राख्दै भने, “यो विपत्तिको समयमा नेपालसँग ऐक्यबद्धता प्रकट गर्न हामी तयार छौं।” उनले २०२२ मा पाकिस्तानले भोगेको विनाशकारी बाढीको अनुभवलाई स्मरण गर्दै, “नेपाललाई हामीले भोगेको दुःख बुझ्छौं, र संकटको यस घडीमा नेपाललाई सघाउन तत्पर छौं,” भने। पाकिस्तानले पनि बाढीका कारण ठूलो विनाश सामना गरेको थियो, जसका कारण धेरै जनधनको क्षति भएको थियो।
नेपालस्थित पाकिस्तानी राजदूतावासले पनि यसबारे विज्ञप्ति जारी गर्दै पाकिस्तान सरकारले नेपाललाई आवश्यक सहयोग प्रदान गर्न इच्छुक रहेको र यस विषयमा दुबै देशका सम्बन्धित निकायहरूबीच छलफल भइरहेको बताएको छ। पाकिस्तानको यस सहयोग प्रस्तावले दुई देशबीचको ऐतिहासिक मित्रता र संकटको समयमा सहकार्यलाई झल्काउँछ।
सन् २०२२ मा पाकिस्तानले सामना गरेको बाढीबाट प्राप्त अनुभवका आधारमा पाकिस्तानले नेपाललाई पुनर्निर्माण, उद्धार कार्य, र आपत्कालीन राहतका क्षेत्रमा सघाउने तयारी गरेको छ। पाकिस्तानको यो सहयोगले संकटको समयमा दुई देशबीचको आपसी सम्बन्धलाई अझ मजबुत बनाउने अपेक्षा गरिएको छ।
नेपाल र पाकिस्तानबीचको यो सहकार्यले विपत्तिको घडीमा एकअर्कालाई सहयोग गर्न महत्त्वपूर्ण योगदान पुर्याउने विश्वास छ।
