ठुलो परिमाणमा लागुऔषध गाँजा र चरेश बरामद
पर्सा प्रहरीले विशेष सुचनाको आधारमा ठुलो परिमाणमा लागुऔषध गाँजा र चरेश बरामद गरेको छ। बिहीबार राति पटेर्वा सुगौली गाँउपालिका ४ अकवा गाउँको बाँसघारीमा गाँजा खरीद बिक्रि भइरहेको सुचनाको आधारमा ठुलो परिमाणमा लागु औषध गाँजा र चरेश बरामद गरेको हो।
बासघाँरीमा लागुऔषध गाँजाको खरीद बिक्रि गरीरहेका स्थानमा शंकास्पद रुपमा लुकिरहेका कालिकामाई गाँउपालिका १ मुडलीका ४० वर्षीय फुलसरिफ मियाँ पक्राउ परेका छन्। पक्राउ परेका मियाँको साथबाट ३० किलो लागुऔषध गाँजा बरामद भएको पर्साका प्रहरी उपरिक्षक कुमोध ढुंगेलले जानकारी दिए।
उनका अनुसार पक्राउ परेका मियाँसँग सोधपुछ गर्दा बासघाँरीमा खाल्डो खनेर राखिएको एक सय ९२ किलो चरेश र लागु औषध गाँजाको धुलो (पोलाण्ड) दुई सय ६७ केजी फेला परेको हो । पक्राउ परेका मियाँलाई हिरासतमा राखेर लागुऔषध मुद्दामा अनुसन्धान भइरहेको प्रहरी उपरिक्षक ढुंगेलले बताए ।
